Description
Book SynopsisMYNEDIAD AGORED: Er mwyn darllen fersiwn ePDF o’r llyfr hwn am ddim, pwyswch y ddolen isod: https://www.uwp.co.uk/app/uploads/9781786838995.pdf Mae’r gyfrol hon yn cynnwys casgliad o benodau gan nifer o haneswyr ac ysgolheigion sydd yn cyflwyno rhai o brif themâu a chysyniadau hanes. Gan ddwyn y teitl Llunio Hanes, mae’r gyfrol yn archwilio a chrynhoi’r gwahanol ffyrdd y mae haneswyr wedi ysgrifennu, ac yn parhau i ysgrifennu, hanes. Yn ei hanfod, dyma gyflwyniad i hanesyddiaeth – yr astudiaeth o ysgrifennu hanes – gyda’r nod o ymgynefino’r darllenydd ag ‘offer’ yr hanesydd, ac i esbonio’r fethodoleg y tu ôl i ddeongliadau hanesyddol. Mae’r awduron yn ein tywys ar hyd llinyn amser, gan dynnu ar agweddau Ewropeaidd a thu hwnt er mwyn olrhain datblygiad hanes fel disgyblaeth proffesiynol. Wrth archwilio hanes cenedlaethol, hanes Marcsaidd, hanes o’r gwaelod, hanes llafar, hanes menywod, hanes diwylliannol, ôl-strwythurol, y darostyngol a’r hollfydol, mae’r gyfrol yn ystyried sut y mae meysydd a disgyblaethau eraill yn dylanwadu ar grefft yr hanesydd.
Table of ContentsRhestr Termau Cyflwyniad - Beth yw ‘Hanes’? gan Meilyr Powel Pennod 1 - O’r ‘Gwleidyddol’ i’r ‘Cymdeithasol’ ac i’r ‘Diwylliannol’ : Syrffio ar Donau Hanes dros y Degawdau gan Gethin Matthews Pennod 2 - Hanes Cendlaethol gan Huw Pryce Pennod 3 - Hanes Marcsaidd gan Doug Jones Pennod 4 - Hanes o’r Gwaelod: Y Werin, y Gweithwyr, Menywod, a’r Darostyngol gan Arddun H. Arwyn Pennod 5 - Hanes ac Anthropoleg gan Iwan Morus Pennod 6 - Ôl-strwythuraeth a’r Tro Diwylliannol: Rhywedd, Dwyreinioldeb ac Ôl-drefedigaethedd gan Marion Löffler Epilog: Dyfodol Hanes gan Meilyr Powel Llyfryddiaeth
